[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/poster.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçiriləcək “Silinən tarix” foto müsabiqəsinə 25 sentyabr 2013-cü il tarixində start verilmişdir. Sözügedən layihə regionlarda mövcud olan unudulmuş, baxımsız qalan və məhv olmaq təhlükəsi altında olan tarixi abidələrimizi qorumağa yönəlmişdir. Layihə çərçivəsində gənclər həm tariximizin müxtəlif dövlərini öyrənəcək, həm də o dövrün abidələrini, onların yerləşdiyi coğrafi əraziləri yaxından tanıyacaqlar.
Layihə başa çatandan sonra gənc fotoqraflar tərəfindən təqdim edilmiş fotolar kataloq şəklində çap olunaraq gənclərə paylanacaqdır. Bununla da həm gənclərimizi tariximizə qarşı biganə qalmamağa, həm də aidiyyatı qurumların bu məsələyə diqqətini cəlb etməyi hədəfləmiş oluruq.
Layihənin icra müddəti 3 aydır. Layihəyə 25 sentyabr tarindən start verilmişdir. 2 ay ərzində layihədə iştirak etmək istəyən gənclər öz işlərini təqdim edəcəklər. Sonuncu ayın ilk 15 günündə diplomlar hazırlanacaq, mükafatlandırma mərasimin keçiriləcəyi yer müəyyənləşdiriləcək və qiymətləndirmə komissiyası yaradılacaqdır. Növbəti 15 gün ərzində isə komissiya tərəfindən qaliblər seçiləcək. Son 1 ayda təqdim olunmuş şəkillərdən ibarət 300 nüsxəlik kataloq hazırlanıb çap olunacaqdır.
İştirak üçün anket formasını “Silinən tarix” facebook səhifəsindən əldə edə bilərsiniz.
Müraciət üçün anket formalarını [email protected] ünvanına göndərə bilərsiniz.
