[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/IMG_5427.jpg” ]
MAGİYA İctimai Birliyi 30-31 oktyabr 2013-cü il tarixlərində Lənkəran şəhərində AB Qala otelində “Özünü və ətrafdakıları HİV/AİDS və narkomaniyadan qoru!” layihəsi çərçivəsində Azərbaycan Respublikasının cənub bölgəsindən (Astara, Cəlilabad, Lerik, Lənkəran, Masallı və Yardımlı) olan 25 nəfər gənc üçün Azərbaycan Respublikasının Prezidenti yanında Gənclər Fondunun maliyyə dəstəyi ilə 2 günlük təlim kursu təşkil etmişdir. Təlim kursunda 13 nəfər qız və 12 nəfər oğlan iştirak etmişdir. Təlim kursunda təşkilatın heyətindən başqa, Lənkəran şəhər Gənclər və İdman İdarəsinin rəis müavini Nazim Vəliyev və Lənkəran Şəhər İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Yusif Xanıyev də iştirak etmişdir. Təlim kursunda heyətlə iştirakçılar arasında sağlam həyat tərzi ilə əlaqədar bir çox mövzular-“HİV/AİDS, HİV/AİDS və narkomaniya, cari problemlər və onların həlli yolları, Dünya və ölkə statistikaları” müzakirə olunmuşdur. Təlim ərzində heyət müxtəlif rol oyunları, interaktiv qrup işləri, debatlar, simulyasiyalar, fokus qrup müzakirələri və təqdimatlar kimi bir çox təlim metodlarından geniş istifadə etmiş və bütün sessiya ərzində mövzularla bağlı bir-çox sosial çarxlar izlənilmişdir. Təlim kursunun sonunda iştirakçılar və təşkilatçılar səsvermə yolu ilə 10 nəfər fəal gənci 4-5 dekabr 2013-cü il tarixində Lənkərandakı “Təlimçilər üçün təlim” adlı zonal təlim kursuna seçiblər. Onlar, həmçinin, cənub bölgəsində gənclər üçün belə bir mühüm layihənin həyata keçirilməsini təmin etdiyi üçün Azərbaycan Respublikasının Prezidenti yanında Gənclər Fonduna minnətdarlıq etmişlər.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”10594″ id=”10594″ imageeffect=”reflection” imgheight=”154″ imgwidth=”240″ width=”980″ /]
