[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/IMG_8495.jpg” ]
Azərbaycan Gənclər Fondunun maliyyə dəstəyi ilə İsmayıllı rayon 1 nömrəli məktəbin musiqi müəllimi Surə Mehdiyevanın C kateqoriyası çərçivəsində icra etdiyi “Gənclərlə Vikipediyada Qarabağ həqiqətlərinin dünya ictimayyətinə çatdırlması” layihəsi çərçivəsində 26 oktyabr 2013-cü il tarixində İsmayıllı rayonu Heydər Əliyev Mərkəzində İsmayıllı rayonunda fəaliyyət göstərən müxtəlif sosial qruplarda çalışan gənclər, İcra Hakimiyyəti başçısının müavinləri, Gənclər və İdman İdarəsinin rəisi, media nümayəndələri və layihəyə dəstək verən qruplardan birinin rəhbəri “Demokratik Gənclər” İctimai Birliyinin direktoru Ramil Süleymanovun iştirakı ilə böyük tərkibdə, rayon ictimaiyyəti səviyyəsində toplantı keçirilib.
Tədbiri giriş sözü ilə açan İsmayıllı rayon Gənclər və İdman İdarəsinin rəisi Elçin Nəcəfov ilk növbədə gələn qonaqları salamlayaraq bu tədbirin rayon üçün olan əhəmiyyətini vurğulayıb. Daha sonra çıxış üçün söz rayon icra başçısının müavini Sevil Əhmədovaya verilib. Layihənin eksperti Ramil Süleymanov çıxış edərək “Demokratik Gənclər” İB-nin bu layihəyə verdiyi dəstək barədə danışıb. Sonda layihə rəhbəri Surə Mehdiyeva çıxış edərək Azərbaycan Gənclər Fondu və rəhbəri olduqu layihə haqqında ətraflı məlumat verib. Tədbir maraqlı müzakirələrlə davam edib.
