[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/aaaa.jpg” ]
20 sentyabr 2013-cü il tarixindən fərdi şəxs qismində Babayev Vamiq Azərbaycan Respublikasının Prezidenti yanında Gənclər Fondunun maliyyə dəstəyi ilə “Gənclərin fərdi əl işləri bacarıqlarının inkişafına dəstək” layihəsini icra edir. Layihənin icrası 2013-cü il noyabrın sonunadək davam edəcək.
Layihənin keçirilməsində məqsəd gənclərin fərdi əl işləri bacarıqlarını inkişaf etdirməklə mədəni dəyərlərin təbliğində gənclərin rolunu artırmaq, eləcə də layihədən faydalanan gənclərin daimi məşğulluq problemlərinin həllinə dəstək verməkdir.
Layihə çərçivəsində əl işləri bacarıqlarına malik 14-29 yaş arası gənclər üçün 16-17-18 noyabr tarixlərində Masallı rayonunda 3 günlük təlim-təcrübə proqramı nəzərdə tutulmuşdur. Bu proqramda iştirak üçün xüsusi ərizə forması əsasında müraciət edən gənclər arasından ən uyğun olan gənclər seçiləcək. Təcrübə proqramını təşkil etmək üçün nümunəvi sənətkar emalatxanalarına səfərlər və ya əl işləri sahəsində fərdi bacarığa malik sənətkarlarla gənclərin görüşü təşkil olunacaq və onların təcrübələrindən istifadə olunacaq. Eləcə də bu sahədəki marketinq işlərinin təşkili yolları öyrəniləcəkdir. Layihənin sonunda təlim təcrübə proqramına cəlb olunan gənclərin əl işləri nümunələrindən ibarət bukletlər hazırlanaraq ictimaiyyətə paylanılacaqdır.
