[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/11/DSC02383.jpg” ]

Azərbaycan Respublikasının Prezidenti yanında Gənclər Fondunun dəstəyi ilə 3-cü qrant müsabiqəsi çərçivəsində həyata keçirilən “Gənclərin İcra Hakimiyyəti Modeli” lahiyəsinin seçim turundan uğurla keçmiş iştirakçılarla layihə rəhbəri və təşkilatçıların görüşü keçirilib. İştirakçıları layihəyə seçildiklərinə görə layihə rəhbəri və təşkilatçılar təbrik ediblər. Görüşün keçirilməsində məqsəd müxtəlif ali və orta ixtisas məktəblərində təhsil alan layihə iştirakçılarının bir-biri ilə tanış olması, Gənclər İdarəetmə Şurası komandasının formalaşdırılması, layihənin gedişatı və layihə çərçivəsində görüləcək işlər barədə iştirakçıların məlumatlandırılması idi. Həmçinin, layihə iştirakçılarına Azərbaycan Gənclər Fondu haqqında geniş məlumat verilib. Növbəti həftə layihə iştirakçıları müxtəlif mövzulu təlimlərdə iştirak edəcək və işçi qruplara bölünəcəklər.