[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/banner.jpg” ]

“Nə? Harada? Nə zaman?” Klublarının Beynəlxalq Assosiasiyası (KBA) VI Çağırış Kubokunun təşkili üçün lisenziya verib. Xəzər İntellektual Gənclər Klubunun Mətbuat Xidmətindən verilən məlumata görə, bu barədə açıqlamanı “Nə? Harada? Nə zaman?” Klublarının Beynəlxalq Assosiasiyasının Lisenziya komitəsinin rəhbəri Aleksandr Druz bildirib. Önəmli turnirin lisenziya alması yarışda iştirak edəcək komandaların beynəlxalq reytinqdə müvafiq xallar alacağı ilə nəticələnəcək. Bu da öz növbəsində Azərbaycan komandalarının beynəlxalq reytinqdə irəliləməsinə imkan yaradacaqdır.

Qeyd edək ki, “Nə? Harada? Nə zaman?” oyunu üzrə VI Çağırış Kuboku Azərbaycan Respublikasının Prezidenti yanında Gənclər Fondunun maliyyə dəstəyi ilə Azərbaycan İntellektual Oyunlar Federasiyası, Azərbaycan Müəllimlər İnstitutu ,“İrəli” İctimai Birliyi, “Xəzər” İntellektual Gənclər Klubu və MFX Group-un birgə təşkilatçılığı ilə keçiriləcək.

Layihənin seçim turları 16 noyabr 2013-cü il tarixində Bakıda, 23 noyabr 2013-cü il tarixində isə ölkəmizin müxtəlif regionlarında təşkil olunacaq. Seçim turlarında ən yaxşı nəticə göstərən 60 komanda “Nə? Harada? Nə zaman?” intellektual oyunu üzrə VI Çağırış Kubokunun Bakıda təşkil olunacaq finalına vəsiqə qazanacaq.

Yarışda iştirak etmək üçün aşağıdakı linkdən istifadə edərək qeydiyyatdan keçmək mümkündür.

http://telebe.az/nə-harada-nə-zaman-oyunu-uzrə-vi-cagiris-kuboku/