[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/IMG_7723.jpg” ]
Azərbaycan Müəllimlər İnstitutunun Şəki filialında Azərbaycan Respublikasının Prezidenti yanında Gənclər Fondunun dəstəyi ilə 3-cü qrant müsabiqəsi çərçivəsində həyata keçirilən “Gənclərin İcra Hakimiyyəti Modeli” lahiyəsinin təqdimatı keçirilmişdir. Təqdimatda Şəki şəhər Gənclər və İdman İdarəsinin rəisi Vüqar İskəndərov, Şəki Regional Debat Mərkəzinin rəhbəri Dəyanət Elmansoy, gənc dövlət qulluqçuları, tələbə gənclər iştirak etmişlər. Təqdimatda layihə haqqında layihə rəhbəri Könül Kərimova məlumat vermiş, tələbə gənclərin sualları cavablandırılmış, Şəki Şəhər Gənclər və İdman İdarəsinin rəisi Vüqar İskəndərov gənclərə layihənin əhəmiyyətindən bəhs etmişdir.
Layihənin məqsədi region gənclərinin fəallığının artırılması və tələbə-gənclərin motivasiyası, gənclərin idarəçilikdə iştirak bacarıqlarının artırılması, gənclərin ideya və təkliflərinin dinlənilməsi, gənclərin dövlət qulluğu və yerli idarəetmədə iştirakı və paytaxta axınının qarşısının alınması, dövlət qulluğu sahəsində gənc kadrların hazırlanması işinin gücləndirilməsi və keyfiyyətinin artırılması istiqamətində işlərin görülməsidir.
Layihə çərçivəsində 30 nəfər gəncdən ibarət İcra Hakimiyyəti strukturuna bənzər Şəki Gənclər İdarəetmə Şurası yaradılacaq və şuranın üzvləri müxtəlif istiqamətlərdə təkliflər paketi hazırlayacaqlar. Həmçinin, layihənin sonunda layihənin iştirakçısı olmuş müəyyən qrup gənclər idarəetmə, icraedici orqanlar haqqında təcrübə və biliyə malik olacaqlar. Bu da gənclərdə dövlət idarəçiliyi və gənclər siyasətinin icrası istiqamətində bir sıra təşəbbüslərin həyata keçirilməsinə təkan verəcək.
Növbəti həftə ərzində iştirakçıların seçim prosesi aparılacaq və noyabr ayından etibarən Gənclər İdarəetmə Şurası öz işinə start verəcəkdir.
Ətraflı: http://www.youtube.com/watch?v=_o6-tYrULUE&feature=share
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”10180″ id=”10180″ imageeffect=”reflection” imgheight=”154″ imgwidth=”240″ width=”980″ /]
