[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/virtualqarabaq.jpg” ]

Azərbaycan Respublikasının Prezidenti yanında Gənclər Fondunun III qrant müsabiqəsinin nəticələrinə uyğun olaraq qalib gəlmiş layihələrdən biri də Virtual Qarabağ tarixi muzeyinin yaradılması layihəsidir. Artıq 2013-cü ilin oktyabr ayından Virtual muzeyin yaradılması işlərinə başlanılmışdır. Layihənin rəhbəri AMEA-nın Arxeologiya və Etnoqrafiya İnstitutunun əməkdaşı Səbuhi Hüseynovdur. Virtual muzeylər son dövrdə bütün dünyada yüksək templə inkişaf etməkdədir. Azərbaycanda ilk dəfə olaraq həyata keçirilən bu layihə, özündə Qarabağın tarixini, mədəniyyətini, etnoqrafiyasını və arxeologiyasını əks etdirən eksponatların virtual sərgilənməsini təşkil edəcəkdir. Qarabağın tarixini özündə əks etdirən eksponatlar dünyanın müxtəlif muzeylərində bu gün də sərgilənməkdədir. Virtual Qarabağ tarixi muzeyinin əsas məqsədi həmin bu maddi mədəniyyət abidələrini bir internet resursunda toplayaraq gənclərin diqqətinə çatdırmaqdan ibarət olacaqdır. Virtual Qarabağ tarixi muzeyi layihəsi gənc nəslin öz maddi mədəni irsini dərindən öyrənməsi, araşdırması və həmçinin beynəlxalq informasiya şəbəkəsində Qarabağın milli dəyərlərinin qorunub saxlanması və işğal altında qalan abidələrimizin dağıdılmasına qarşı mübarizə məqsədi ilə yaradılır.