[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/49ddf1c0e3a9.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə Şəkidə “Qadınların Gözü ilə” adlı pilot layihənin icrasına başlanılacaq. Layihənin əsas məqsədi qadınların sosial-iqtisadi aktivliyini yaradıcı yolla artırmaqdır. Bu məqsədlə layihə çərçivəsində şimal-qərb zonasında yaşayan və fəaliyyət göstərən gənc qadın və qadın jurnalistlər arasında fotojurnalistika təlimləri keçiriləcək.
Ekspert tərəfindən keçirilən təlimlərdən sonra qadın, ailə, uşaq, ekologiya, gündəlik həyat, mədəniyyət, ailə-məişət və regionlarda qadınların həyatı mövzularında müsabiqə elan ediləcək. Müsabiqəyə təqdim edilən fotoları ictimaiyyətin diqqətinə çatdırmaq məqsədi ilə sərginin təşkili nəzərdə tutulub. Həmçinin, layihənin yekunu olaraq sərgiyə təqdim edilən fotolardan ibarət kataloq çap ediləcək.
Onu da qeyd edək ki, layihə Azərbaycan Respublikasının Prezidenti yanında Gənclər Fondunun 3-cü qrant müsabiqəsi çərçivəsində həyata keçirilir.
