[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/unnamed-142.jpg” ]
Müasir Gənclik və Sosial İnkişaf İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “Xüsusi qayğıya ehtiyacı olan gənclərin de-institutusionalizasiyasına dəstək” layihəsi çərçivəsində Gəncə, Yevlax, Mingəçevir şəhərlərində tədbir keçirib. Tədbirdə çıxış edən layihə rəhbəri Etibar Əsədov bildirib ki, dövlət uşaq müəssisələrində saxlanılan uşaqlar Azərbaycan Respublikasının müvafiq qanunvericiliyinə uyğun olaraq dövlət qayğısı ilə əhatı olunub. Onun sözlərinə görə, Azərbaycan Respublikasının da qoşulduğu BMT-nin “Uşaq hüquqlarına dair” Konvensiyasına görə ailə uşağın sağlam inkişafı və cəmiyyətə inteqrasiyası üçün ən uyğun mühitdir. E.Əsədov onu da deyib ki, “Azərbaycan Respublikasında dövlət uşaq müəssisələrindən uşaqların ailələrə verilməsi (De-institusionalizasiya) və alternativ qayğı Dövlət Proqramı (2006-2015-ci illər)” hazırkı mərhələdə De-İnstitusionalizasiya ilə bağlı işlərin genişləndirilməsi, səmərəli tədbirlərin həyata keçirilməsi və konkret müsbət nəticələrin əldə edilməsinə yönəldilmişdir. Tədbirdə çıxış edən digər natiqlər qeyd ediblər ki, valideyn Himayəsindən məhrum olan yeniyetmə və gənclərin De-institusionalizasiyası prosesinə yardımçı olmaq istiqamətində ictimai fəallığın artırılmasına və müasir informasiya-kommunikasiya texnologiyaları vasitəsilə bu istiqamətdə ictimai və ailə təşəbbüslərinin artırılmasına zərurət böyükdür. İnklüziv telimə və təhsilə ehtiyacı olan yeniyetmə və gənclərlə maarifləndirmə və ictimai təşəbbüslərin səmərəli təşkili, genişləndirilməsi və stimullaşdırılma mexanizmlərinin tətbiqi sahəsində müəyyən boşluqlar vardır. Bu baxımdan dövlət intern müəssisələri işçilərinin peşə yönümünün dəyişdirilməsi və bu istiqamətdə sosial işçilərin hazırlanması sisteminin yaradılması da olduqca zəruridir.
[postgallery_grid content=”image” columns=”4″ lightbox=”yes” attached_id=”21352″ id=”21352″ imageeffect=”reflection” imgheight=”154″ imgwidth=”240″ width=”980″ /]
