[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-216.jpg” ]
Dünyanın ən aktual problemlərindən biri ekologiyadır. Ekologiyanı qorumaq hər bir dövlətin, hər bir vətəndaşın borcudur.
Azərbaycan Respublikasının Prezidenti yanında Gənclər Fondunun maliyyə dəstəyi ilə C kateqoriyası üzrə “Ətraf mühitin qorunmasında gənclərin rolunun artırılması” adlı layihə həyata keçirilir.
Layihənin əsas məqsədi ətraf mühitin qorunmasında gənclərin rolunun artırılmasından ibarətdir. Bakı şəhərində həyata keçirilən layihədən əsasən yeniyetmə və gənclər faydalanır.
Layihə icrası zamanı yeniyetmə və gənclərlə görüşlər keçirilmiş, “Ətraf mühitimiz gənclərin gözü ilə” adlı qrup yaradılaraq, maarifləndirici təlimlərə cəlb edilmişlər. Məqsəd ətraf mühitlə bağlı gənclərin məlumatlılıq səviyyəsinin yüksəldilməsi və bununla da təbiətin qorunmasında insanların təşəbbüskarlığının artırılmasıdır.
Təlim zamanı iştirakçılara maarifləndirici bukletlər paylanılmış, ətraf mühitin qorunmasına aid qısametrajlı filmlər nümayiş etdirilmiş, ətraf mühit, qlobal iqlim dəyişikliyi və buna səbəb olan amillər, ekologiyanın qorunması sahəsində aparılan işlər müzakirə edilmişdir.
Təlimlərin sonunda aparılan işlərin effektivliyini müəyyən etmək üçün iştirakçıların layihənin əhəmiyyəti ilə bağlı fikirləri öyrəniləcək.
[postgallery_grid content=”image” columns=”4″ lightbox=”yes” attached_id=”21799″ id=”21799″ imageeffect=”reflection” imgheight=”154″ imgwidth=”240″ width=”980″ /]