[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/07/unnamed-10.jpg ” ]
Azərbaycan Respublikasının Prezidenti yanında Gənclər Fondunun elan etdiyi V qrant müsabiqəsində qalib olaraq Azərbaycan Gənclər Fondunun maliyyə dəstəyi, Azərbaycan Tələbə Gənclər Təşkilatları İttifaqı və Yeni Azərbaycan Partiyası (YAP) Gəncə şəhər təşkilatı Gənclər Birliyinin dəstəyi ilə “Əcnəbi gənclər Gəncədə” adlı layihə həyata keçirilib. Layihənin əsas məqsədi “Gəncə Avropa Gənclər Paytaxtı – 2016” çərçivəsində Gəncə şəhərinin əcnəbi gənclər arasında tanıdılması olub. 13-14 iyul tarixlərində Gəncə şəhərində əsas icrası həyata keçirilən, Gəncə gənclərinin də iştirak etdiyi layihənin təqdimat mərasimində layihə rəhbəri Nigar Süleymanlı ətraflı məlumat verib. YAP Gəncə şəhər təşkilatının sədri Naqif Həmzəyev, Gəncə şəhər Gənclər və İdman İdarəsinin rəisi Müşviq Cəfərov, YAP Gəncə şəhər təşkilatı Gənclər Birliyinin sədri Fərid Dünyamalıyev, Azərbaycan Tələbə Gənclər Təşkilatları İttifaqının nümayəndəsi Toğrul Məmmədli çıxış edərək, Gəncənin digər ölkələrə tanıdılmasında bu layihənin böyük rolunun olduğunu vurğulayıblar. Qonaqlar layihə haqqında öz fikirlərini bölüşdükdən sonra “Gəncə Avropa Gənclər Paytaxtı – 2016”-nın təqdimat videosu əcnəbi gənclərə təqdim olunub, layihə iştirakçılarının sualları cavablandırılıb. Layihə çərçivəsində əcnəbi gənclər Gəncə şəhərinin tarixi-memarlıq abidələri, muzey və digər turistik əraziləri ilə yaxından tanış olub, gəncəlilərin adət-ənənə və mədəniyyətləri haqqında məlumat əldə ediblər. Həmçinin, şəbəkələşmənin güclənməsi məqsədilə əcnəbi gənclərlə Gəncə gəncləri arasında diskussiya təşkil olunub. Sonda layihə iştirakçılarına sertifikat və hədiyyələr təqdim olunub.
[postgallery_grid content=”image” columns=”4″ lightbox=”yes” attached_id=”16565″ id=”16565″ imageeffect=”reflection” imgheight=”154″ imgwidth=”240″ width=”980″ /]
