[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/DSC_0391.jpg” ]
2 oktyabır 2013-cü il tarixində Zərdab Rayon Mədəniyyət Evində “Region Gənclərinin İnkişafına töhfə” İctimai Birliyinin Azərbaycan Respublikasının Prezidenti yanında Gənclər Fondunun maliyyə dəstəyi ilə “İlk dəfə seçkilərdə iştirak edəcək gənclər arasında maarifləndirmə işlərinin aparılması” adlı layihəsinin icrası məqsədi ilə təlim keçirilib. Layihənin əsas məqsədi seçkilərdə ilk dəfə iştirak edəcək gənclərə diqqəti daha da artırmaq və onların seçki maarifləndirilməsinə kömək etmək, region gənclərinin ictimai fəallığının artırılmasına dəstək olmaqdır.
Zərdab Rayon Gənclər və İdman İdarəsinin və 92 saylı Zərdab-Ucar dairə-seçki komissiyasının nümayəndələrinin iştirak etdiyi təlimdə Azərbaycan Respublikasının Konstitusiyasında və Azərbaycan Respublikasının Seçki Məcəlləsində nəzərdə tutulan seçkilərdə iştirak hüquqları ilə bağlı ətraflı məlumat verilib.
Tədbirdə təlimçilər tərəfindən gənclərin səsvermədə iştirakının önəmi, seçki məntəqələrində davranış qaydaları və səsvermə zamanı müstəqil seçim hüququna malik olmaları barədə maarifləndirici təlimlər keçirilib.
Tədbirdə mövzuya uyğun çap olunmuş bukletlər, üzərində “9 oktyabr Prezident seçkilərində iştirak edək” şüarları yazılmış köynəklər və papaqlar paylanılıb.
