[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/фото-1.jpg” ]
SIFE-ENACTUS (Tələbələr Azad Sahibkarlıq Fəaliyyətində) Beynəlxalq Proqramının Dünya Kuboku 2013 uğrunda builki mübarizəsi Meksikanın Kankun şəhərində keçirilib.
29 sentyabr-1 oktyabr 2013-cü il tarixlərində Meksikanın Kankun şəhərində SIFE-ın (Tələbələr Azad Sahibkarlıq Fəaliyyətində) Dünya Kuboku keçirilmişdir. 34 ölkənin iştirak etdiyi tədbirdə Azərbaycan Respublikasının Gənclər və İdman Nazirliyinin maliyyə dəstəyi ilə Azərbaycanı Qafqaz Universitetinin SIFE komandası təmsil etmişdir. Tədbirin ilk günündən möhtəşəmliyi ilə heyrət doğuran açılış mərasimi mədəniyyət tədbiri ilə başlayıb. Sentyabr ayının 28-də Azərbaycan üçün ayrılan guşədə milli mətbəximizin çeşidli təamları, ölkəmizin tarixini, mədəniyyətini, folklorunu, milli rəqslərini əks etdirən nümunələr təqdim edilmişdir. Elə həmin gün tədbirin açılış mərasimi keçirilmişdir.
Gələcək sahibkarların inkişafında misilsiz əhəmiyyətə malik olan bu möhtəşəm dünya yarışmasının tələbələrin formalaşmasına əvəzsiz təsiri danılmazdır.
Tədbirdə Azərbaycanın nümayəndə heyətində Gənclər və İdman Nazirliyinin əməkdaşı Rüstəm Abdullayev, Gənclər Fondunun aparat rəhbəri Faiq Qürbətov və əməkdaşı Aynur Həsənzadə, İqtisad Universitetinin müəllimi Fuad Əliyev, AGBank ASC-nin müşaviri Əkrəm Abdullayev və Büdcə Planlaşdırılması Departamentinin Direktoru Emin Əsədullayev, “İnkişaf” Sosial və İqtisadi Araşdırmalar İctimai Birliyinin icraçı direktoru Ramina İsmayılova, JW Marriott Absheron mehmanxanasının satış üzrə direktoru Nisə Əliyeva, World Reklam şirkətinin direktoru Səbinə Qurbanova və SIFE-ın Azərbaycan üzrə ölkə direktoru Kəmalə Məmmədli ştirak etmişlər.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”9879″ id=”9879″ imageeffect=”reflection” imgheight=”154″ imgwidth=”240″ width=”980″ /]
