[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/08/foto.jpg” ]

31 iyul 2013-cü il tarixində, saat 15:00-da Azərbaycan Tələbə Gənclər Təşkilatları İttifaqının (ATGTİ) ofisində Ulu Öndər Heydər Əliyevin 90 illik yubileyinə həsr olunmuş “Buta” diskinin təqdimatı keçirilib. Disk Bakı Musiqi Akademiyasının Tələbə Gənclər Təşkilatının (BMA TGT) təşəbbüsü ilə ATGTİ-nin təşkilatçılığı və Gənclər Fondunun maliyyə dəstəyi ilə hazırlanmışdır.

Layihənin əsas məqsədi Azərbaycan klassik musiqisinin gənc ifaçılarına dəstək göstərmək, onların vasitəsilə ölkəmizdən kənarda Azərbaycan musiqisinin təbliğ olunmasıdır.

Nəzərinizə çatdırırıq ki, “Buta” diskində Bakı Musiqi Akademiyasının tələbələrinin ifasında Azərbaycan klassik musiqisinin inciləri toplanmışdır. Musiqilər arasında Qara Qarayevin, Cahangir Cahangirovun, Üzeyir Hacıbəylinin, Tofiq Quliyevin və Emin Sabitoğlunun və digərlərinin bəstələri, həmçinin “Getdi yar” xalq mahnısı yer almışdır.