[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/07/2.jpg” ]
25 iyul 2013-cü il tarixində “LN art centre” qalereyasında Azərbaycan Gənclər Fondunun maliyyə və YeniSi Ədəbiyyat və Mədəniyyət Təzahürləri Mərkəzinin təşkilati dəstəyi ilə Ulu öndər Heydər Əliyevin 90 illik yubileyinə həsr olunmuş plakat müsabiqəsinin nəticəsi olan sərgi keçirilmişdir.
Sərginin açılışında çıxış edən Azərbaycan Gənclər Fondunun aparat rəhbəri Faiq Qürbətov, yazıçı Səyyad Aran, YeniSi Ədəbiyyat və Mədəniyyət Təzahürləri Mərkəzinin icraçı direktoru Maral Mustafazadə, ekspert tənqidçi Tehran Əlişanoğlu, sənətşünas Vidadi Qafarov, dizaynerlər Kənan Nəsibov, Şamil Əsgərov layihənin fərqliliyi və uğurundan danışıblar. Layihənin koordinatoru Heyran Mustafayevanın sözlərinə görə, bir ay müddətinə elan olunan müsabiqəyə əsasən Azərbaycan Dövlət Rəssamlıq Akademiyasının və Azərbaycan Dövlət Mədəniyyət və İncəsənət Universitetinin tələbələri və həvəskar dizaynerlər müraciət etmiş, ümumilikdə müsabiqədə 25 müəllifin 33 işi iştirak etmiş və sərgilənmişdir.
İşlər peşəkar ekspertlər tərəfindən qiymətləndirilmiş və qaliblər müəyyən olunmuşdur. Müsabiqənin qalibləri:
1-ci yer – Seymur Süleymanlı: “Xalq gərək daim öz kökünü xatırlasın (Everyone has to remember his roots)” işinə görə;
2-ci yer – Fəxri Abbasov: “Azərbaycan dünyaya günəş kimi doğacaq” işinə görə;
3-cü yer – Faiq Cəbrayılov: “Mən…” işinə görə.
Qaliblər dəyərli hədiyyələr və diplomla təltif olunmuş, əlavə 6 nəfər iştirakçı isə həvəsləndirici diplom almışdır. Müsabiqənin digər iştirakçılarına sertifikatlar verilmişdir.
Qeyd edək ki, müsabiqənin nəticəsi olaraq iştirak etmiş plakatlardan ibarət kataloq hazırlanacaq və ictimaiyyətə təqdim olunacaq.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”8943″ id=”8943″ imageeffect=”reflection” imgheight=”154″ imgwidth=”240″ width=”980″ /]
