[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/07/bm-2.jpg” ]
Gənclər üçün Təhsil Mərkəzi Azərbaycan Respublikasının Prezidenti yanında Gənclər Fondunun maliyyə dəstəyi ilə icra etdiyi “Regionlarda gənclər üçün beyin mərkəzlərinin yaradılması” layihəsini davam etdirir.
Bu məqsədlə Gəncə, Mingəçevir, Hacıqabul və Ağcabədidə növbəti təlim proqramı keçirilmişdir. Təlimlər əsasən gənclərin analiz və təhlil etmək bacarığının inkişaf etdirilməsinə, onların baş verən ictimai-siyasi hadisələrə düzgün qiymət verməsinin təşviq olunmasına və gənclərin təşəbbüskarlığının artırılmasına yönəldilmişdir.
Layihə çərçivəsində təlim proqramları ilə yanaşı ictimai əhəmiyyət kəsb edən mövzularda gənclərin müzakirələri və praktiki məşğələləri də təşkil olunmuşdur.
Layihənin əlaqələndiricisi Qızılgül Teyyubovanın verdiyi məlumata görə, bu ayın son günlərində bitməsinə baxmayaraq, layihənin sentyabr ayından yeni mərhələsinin başlanması planlaşdırılır. Bu mərhələdə gənclər üçün yaradılmış beyin mərkəzlərinin strukturunun və iş prinsiplərinin hazırlanması, gənclərin bura cəlb olunması və digər məsələlər öz həllini tapacaq. Eyni zamanda, bu mərkəzlər vasitəsilə gənclərimizin xarici ölkələrdəki beyin mərkəzlərinə tanışlıq səfərlərinin həyata keçirilməsi də nəzərdə tutulur.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”8435″ id=”8435″ imageeffect=”reflection” imgheight=”154″ imgwidth=”240″ width=”980″ /]
