[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/07/DSC_1056.jpg” ]
“Gələcəyə Doğru Təşəbbüskar Tələbə Gənclər” İctimai Birliyinin Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “İnformasiya Beyinləri” düşərgəsi start götürüb.
Düşərgədə ali təhsil müəssisələrinin birinci və ikinci kurs tələbələri iştirak edirlər. 5-9 iyul 2013-cü il tarixlərində keçirilən layihə Göyçay şəhərində baş tutub. Layihədə Xəzər Universiteti, Azərbaycan Memarlıq və İnşaat Universiteti, Bakı Dövlət Universiteti, Azərbaycan Tibb Universiteti, Azərbaycan Dillər Universiteti, Azərbaycan Mədəniyyət və İncəsənət Universiteti, Milli Aviasiya Akademiyası və Azərbaycan Dövlət İqtisad Universitetinin tələbələri iştirak hüququ qazanıblar.
Düşərgədə iştirakçılar 3 komandaya bölünərək qalib olmaq üçün mübarizə aparırlar. Komandalar Azərbaycan Respublikasının Bayrağının rənglərinə müvafiq olaraq “Göy”, “Qırmızı” və “Yaşıl” komandalara bölünmüşlər. Layihə çərçivəsində “İKT sahəsində problemlər və onların həlli” mövzusunda komandalar tərəfindən videoçarxlar hazırlanmış və təqdim olunmuşdur. Daha sonra İKT mövzusunda “Nə? Harada? Nə zaman?” intellektual yarışması keçirilib.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”8330″ id=”8330″ imageeffect=”reflection” imgheight=”154″ imgwidth=”240″ width=”980″ /]
