[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/Agdam-230710.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi ilə “İctimai Həyatda Gənclərə Dəstək” İctimai Birliyinin “Cəbhəyanı bölgələrdə gənclərin vətənpərvərlik hisslərinin gücləndirilməsi” layihəsinin icrasına başlanmışdır. Layihənin əsas məqsədi yeniyetmə və gənclərin vətənpərvərlik hisslərini gücləndirmək, onların vətənə, dövlətə, millətə sədaqət ruhunda tərbiyə olunmasını təmin etməkdir.
Layihə Qazax rayonunun 4 kəndində həyata keçiriləcəkdir. Layihə çərçivəsində 8-9-10-11-ci sinif şagirdləri ilə görüşlər keçirmək, torpaqlarımızın erməni işğalçılarından müdafiə edilməsi ilə bağlı söhbətlər aparmaq nəzərdə tutulub. Şagirdlərə Milli Qəhrəmanlar haqqında məlumatlar da çatdırılacaqdır. Həmçinin, gənclər ordu sıralarında qulluq etməyə ruhlandırılacaq, təlimçi və ekspertlərin mövzu üzrə hazırladıqları əyani vəsaitlər görüş və təlim iştirakçılarına paylanılacaqdır.
Görüş və təlimlər haqqında məlumatlar yerli mətbuata və Region TV vasitəsilə əhaliyə çatdırılacaqdır.
