“Gəncliyin Şöləsi” Gənclərin İnkişafı İctimai Birliyi tərəfindən Azərbaycan Respublikası Gənclər Fondunun maliyyə dəstəyi ilə cari ilin yanvar – iyul aylarında “Azərbaycan Ordu Tarixi Milli Animasiya Filminin hazırlanması və təqdim olunması” adlı layihə həyata keçirmişdir.
Azərbaycan xalqının vətənin müdafiəsi uğrunda qəhrəmanlığının qədim və zəngin tarixi vardır. Bu baxımdan, məhz Azərbaycanın hərb tarixini qədim və müasir elementləri birləşdirərək gənclərə və ictimaiyyətə təqdim etmək olduqca vacibdir. Bu layihə çərçivəsində Azərbaycan qəhrəmanlıq və zəfər tarixinin səhifələrini orta əsrlərdən müasir dövrə qədər olan tarixə kimi özündə əks etdirən qısa metrajlı “Azərbaycanın Ordu Tarixi Milli Animasiya Filmi” hazırlanmış və gənclərin iştirakı ilə filmin ilkin versiyasının müzakirəsi keçirilmişdir.
Layihə çərçivəsində 11-12 iyul 2019-cu il tarixlərdə “Azərbaycanın Ordu Tarixi Milli Animasiya Filmi”nin ilkin versiyalarının Bakı şəhərində Sabunçu Gənclər Evində 40 nəfər gəncin iştirakı ilə təqdimatı keçirilmişdir. Təqdimat zamanı Azərbaycan Ordu tarixi barədə gənclərlə müzakirələr aparılmış və filmin daha da təkmilləşdirilməsi və yekun versiyasının hazırlanması üçün müvafiq işlər görülmüşdür. Təqdimatların əyləncəli hissəsi zamanı isə gənclər üçün Azərbaycanın tarixinə aid viktorinalar təşkil olunmuşdur.
