[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/11/21st.jpg” ]
Gənclər Fondunun dəstəyi ilə “Kainat” Gənclik Mərkəzinin “Yenilikçi Gənclərin Respublika Forumu” layihəsinin hazırlıq işləri davam etməkdədir. 2012-ci ilin oktyabr ayının 30-da “Yenilikçi Gənclərin Respublika Forumu”nun təsis yığıncağı baş tutmuşdur. Yığıncaqda Azərbaycan Respublikasının Rabitə və İnformasiya Texnologiyaları Nazirliyinin gənc əməkdaşları, Azərbaycan Milli Elmlər Akademiyasının ayrı-ayrı institutlarının gənc elmi nümayəndələri, bir çox ali təhsil ocaqlarının tələbələri, fərdi təkliflərlə layihəyə qoşulan bir qrup novator, mətbuat nümayəndələri və s. iştirak ediblər.
Təsis yığıncağında gənc alimlərin və tələbələrin müxtəlif sahələr üzrə təklif və arzuları dinlənilmiş, forum çərçivəsində gələcək fəaliyyət üçün prioritetlər müəyyənləşdirilmişdir.
Sonda tədbir iştirakçılarının yekdil qərarı ilə Forumun növbəti seminarının məhz respublikamızın qabaqcıl ali məktəblərindən olan Bakı Dövlət Universitetində, noyabr ayının 24-də, saat 11:00-da keçirilməsi məqsədəuyğun sayılıb.
