[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/11/5.jpg” ]

ABŞ Təhsilli Azərbaycan Məzunları İctimai Birliyi (AAA) Azərbaycan Gənclər Fondunun (AGF) maliyyə dəstəyi ilə regionlarda “Uğur hekayəm…” layihəsinin icrasına başlayıb.

İlk olaraq 3 noyabr 2012-ci il tarixində, Lənkəran şəhərində və 4 noyabr 2012-ci il tarixində isə Masallı şəhərində “Uğur hekayəm” filminin təqdimatı keçirilib. Film üç gəncin həyat hekayəsindən bəhs edir. Azərbaycan Respublikasının müxtəlif regionlarından olan, xaricdə müxtəlif proqram məzunları olan bu üç gəncin uğur hekayəsi filmdə öz əksini tapıb.

Filmə baxışdan sonra tədbir iştirakçıları tərəfindən film haqqında fikirlər söylənilib. Tədbir zamanı əsas müzakirə region gənclərinin uğur hekayəsinin formalaşmasında stereotiplərin qırılması və valideynlər tərəfindən övladlarının xaricdə təhsil almalarına şans yaradılması olub. Həmçinin, xaricdə təhsil almağın yolları və vacibliyi haqqında məlumat verilib.

Filmi izləmək üçün: http://www.youtube.com/watch?v=lr5N7nHMZss

Filmin bundan sonra Gəncə, Qazax, Şəki və Zaqatalada nümayişi keçiriləcək. Gənclərin uğur hekayələrini dinləmək və onlarla müzakirələr aparmaqla region gəncləri arasında təhsilə maraq və uğurlu karyera qurmaq üçün stimul yaradılacaq.

Layihənin yekunu olaraq Bakı şəhərində paytaxt gəncləri və region gənclərinin müzakirələr aparacağı tədbir nəzərdə tutulub.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”4022″ id=”4022″ imageeffect=”reflection” imgheight=”154″ imgwidth=”240″ width=”980″ /]