Azərbaycan Respublikasının Prezidenti yanında Gənclər Fondunun elan etdiyi 10-cu qrant müsabiqəsinin C kateqoriyası üzrə qalibi Həsənzadə İlahə Novruz qızının Fondun maliyyə dəstəyi ilə həyata keçirdiyi “Şəhidlər ölməz, Vətən bölünməz!” layihəsi uğurla davam edir.
Layihə 3 ay müddətində Bakı şəhəri Xəzər rayonunda yaşayan  və təhsil alan gənclər arasında keçirilir. Layihənin məqsədi torpaqlarımızın bütövlüyü uğrunda şəhid olmuş hərbçilərimizin yeniyetmə və gənclərə tanıdılmasıdır.
Layihə çərçivəsində 3 təlimin keçirilməsi nəzərdə tutulmuşdur. Təlimlər “Şəhidlərimizin şərəfli döyüş yolunun təbliği”, “Vətənpərvərliyin təbliği  istiqamətində maarifçilik işinin gücləndirilməsi”, “Şəhidlərimizə  hörmət və ehtiramın təbliği”, “Yeniyetmə və gənclərə  vətənə məhəbbət hissinin aşılanması” və sair kimi mövzuları əhatə edir.
Layihə rəhbəri Həsənzadə İlahə: “İnanırıq ki, biz bu layihə ilə gənclərimizdə vətənpərvərlik və milli qürur hissinin daha da güclənməsinə təkan vermiş olacağıq. Biz bundan sonra da fəal gənclərin müvafiq təlimlərə və tədbirlərə cəlb edilməsinə çalışacağıq”.