Azərbaycan Respublikasının Prezidenti yanında Gənclər Fondunun maliyyə dəstəyi ilə Həsənağa Hüseynovun layihə rəhbəri olduğu “İdeyadan biznesə” gənclərin sahibkarlıq fəaliyyətinə həvəsləndirilməsi layihəsi həyata keçiriləcək.
Layihənin məqsədi gənclərin biznes ideyalarını reallaşdırmaq üçün zəruri olan bilik və bacarıqlara,  müasir biznes idarəçiliyi vərdişlərinə yiyələnməsinə dəstək olmaqla onların sahibkarlıq fəaliyyətinə həvəsləndirilməsindən ibarətdir.  Bu məqsədlə gənclərə peşəkar təlimçilər tərəfindən “İdeyadan biznesə” adlı təlimlər keçiriləcək.
Təlimlər biznesə başlamaq üçün zəruri olan 3 əsas istiqaməti əhatə edəcək:

• Biznes ideyaların yaradılması (ideyanın tapılması, təhlili və seçilməsi);
• Biznes planların hazırlanması;
• Öz biznesini qur! ( biznesin qeydiyyatı, zəruri işlərin planlaşdırılması və s).

Təlimçilər:
– Elvin Dadaşsoy – Dövlət İdarəçilik Akademiyasının məzunudur. 2010-2011-ci illərdə marketinq meneceri kimi işə başlamış, top menecerə qədər uğurla irəliləmişdir. 2013-cü ildə Best Friends Təhsil və Karyera Mərkəzini, 2014-cü ildə isə məktəbəqədər hazırlıq mərkəzi olan Panda School brendini yaratmışdır. 2017-ci ilin iyulunda isə fərqli sahədə yatırım etmiş, “Phi Gallery” adlı gözəllik qalereyasını təsis etmişdir. Elvin Dadaşsoy həmçinin fərdi inkişaf və biznes yönümlü təlimlər keçir. 4 il ərzində müxtəlif şirkət, universitet və təşkilatlarda 50-dən çox təlim keçmişdir. Beynəlxalq Əmək Təşkilatının “Öz biznesinə başla” proqramı üzrə sertifikatlı təlimçisidir.
– Orxan Şahbaz – Odlar Yurdu və USA Lincoln Universitetinin ikili diplom proqramı ilə Biznes İdarəetməsi ixtisası üzrə təhsil alıb. Beynəlxalq Əmək Təşkilatının Biznes Təlimçisi kimi fəaliyyət göstərir, eyni zamanda  Azərbaycan Respublikası Əmək və Əhalinin Sosial Müdafiəsi Nazirliyinin həyata keçirdiyi özünəməşğulluq proqramının biznes təlimçisidir. 430 Praktiki təlim təcrübəsi var və ümumilikdə 10.594 nəfərə təlim keçirmişdir. Hazırda 12 şirkətdə marketinq konsultasiyaları aparır. ORKHANWAY|Coaching şirkətinin rəhbəridir.
– Kənan Hüseynli – Təhsilinin bakalavr pilləsində Dövlət İdarəçilik Akademiyasını fərqlənmə ilə, magistr pilləsində isə Qafqaz universitetini fərqlənmə ilə bitirmişdir. NLP (Neuro Linguistic Programming) üzrə “Master Practitioner”dir. Biznes, NLP, fərdi inkişaf, effektivlik, kommunikasiya, idarəetmə üzrə təlimçilik sahəsində 7 illik təcrübəsi var. Bacarıqları inkişaf etdirmə və ünsiyyət sahəsində 5 ildən çoxdur ki, araşdırma aparır. Gənc sahibkardır. “Aksultan Tekstil”-in icraçı direktoru, “Business Club Azerbaijan”-ın təsisçisidir.

Layihədə iştirak edən bütün iştirakçılar sonda sertifikatla təmin olunacaqlar.
Layihədə iştirak ödənişsizdir! İştirakçılar istək məktubu əsasında seçiləcək.
Müraciət üçün onlayn qeydiyyatdan keçin:
https://goo.gl/g2Cgdw
Müraciət üçün son tarix: 15.12.2017
Əlavə suallarınız və məlumat üçün:
Tel: (051) 792 25 89
Email: [email protected]
Təlimlərin keçiriləcəyi ünvan:
Elmlər mts-u., BDU-nun yanı, Z.Xəlilov küçəsi 26, Təlim Mərkəzi