“İnternat Məzunlarının Sosial İnteqrasiyası” Gənclər İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Sağlam vətənpərvər olaq” adlı layihəsinə start verilib.
Layihənin əsas məqsədi internat məzunu olan gənclərə vətənpərvərlik və sağlam həyat tərzi mövzularında silsilə təlimlərin keçirilməsi ilə onların bu mövzuda biliklərinin artırılması və nəticə etibarı ilə daha sağlam vətənpərvər gənc kimi yetişmələrinə dəstək olmaqdır.
Layihənin icra planına  əsasən  internat məzunları üçün   3 mövzuda təlim keçiriləcək:
· Vətənpərvərlik
· Zərərli vərdişlər
· Fəal vətəndaş
Təlimlərin daha effektiv olması üçün  planına uyğun olaraq vətənpərvərlik mövzusunda seminarlarla bərabər 2017-ci il üçün MDB paytaxtı seçilən Gəncə şəhərinə 2 günlük tur təşkil olunacaq. Turun məqsədi şəhərlə tanışlıq, tarixi yerlərə və muzeylərə ekskursiyalar təşkil etməklə Azərbaycanın tarixini öyrənməkdir. Bundan əlavə 1 günlük Quba məzarlığı və Cocuqmərcanlı qəsəbəsinə  tur təşkil edərək, gənclərə ermənilərin əsirlər boyu başımıza gətirdiyi vəhşiliklər haqqında ətraflı məlumat veriləcək.