Gənclərin Sosial Problemlərinin Həllinə Kömək İctimai Birliyi “Region gənclərinin uğurlu karyerasına dəstək” layihəsi çərçivəsində Gəncə şəhərində təlimlər keçirmişdir. Azərbaycan Respublikasının Prezidenti yanında Gənclər Fondunun dəstəyi ilə həyata keçirilən layihə regionlarda peşə qabiliyyətli gənclərin karyera quruculuğunda onlara dəstək göstərilməsindən bəhs edir. Layihənin əsas məqsədi regionlarda yaşayan gənclərin peşə bilik və bacarıqlarının artırılması, onlara uğurlu karyera yolunda dəstək göstərməkdir. Regionlarda yaşayan gənclərin təhsil və karyera quruculuğunda uğur əldə etməsi və peşə bacarıqlarının aşılanması üçün keçirələcək təlimləri uğurla keçən gənclər üçün istehsalat müəssisələrində təcrübə keçəcəklər.
Təlimlər zamanı gənclərə biznes plan, müasir bazarın tələbləri, tələb və təklifin qiymətləndirilməsi, uğurlu karyera əldə etmək üçün praktik vərdişlər aşılanacaqdır. 29-30 yanvar tarixlərində Gəncə şəhərində keçirilən təlimlərdə sahibkarlıq fəaliyyəti ilə məşğul olmaq və karyerasında uğur əldə etmək istəyən gənclər iştirak etmişdir. Uğurlu bazar dəyər zəncirinin qurulması yolları haqqında təqdimat hazırlayan təlimçi  iştirakçılara bazar dəyər zəncirinin seçimi, bazarın analizi, araşdırılması və biznes planlarının tərtib olunması haqqında praktik məlumat vermişdir. Təlim iştirakçılarının hazırladığı biznes planların müzakirəsi aparılmış, planın bazara uyğunluğu, riskləri, indikatorları analiz edilmişdir. “Gənclərin Sosial Problemlərinin Həllinə Kömək” İctimai Birliyi sahibkarlıq fəaliyyəti ilə məşğul olmaq istəyən gənclərə dəstək xidmətlərini göstərməkdə davam edəcəkdir. Eyni zamanda təlim iştirakçılarının seçilərək təcrübə üçün yerli istehsalat müəssisələrinə yönləndirilməsi, praktik olaraq müşahidə və yerində aparılan təcrübə metodları gənclərdə düzgün peşə seçimi, karyerasında uğur əldə etmək motivasiyasına müsbət təsir edəcəkdir.