Azərbaycan Respublikasının Prezidenti yanında Gənclər Fondunun VIII Qrant müsabiqəsinin qalibi olan “Gənc nəsil – Yeni intellekt” layihəsinin icrası uğurla davam etdirilir. Layihə üzrə növbəti intellektual təlim və intellektual oyun Şamaxı rayonunun Əngəxaran kəndində keçirilmişdir. Tədbiri giriş sözü ilə açan layihə rəhbəri Vasif Şıxıyev göstərilən dəstəyə görə Gənclər Fondu rəhbərliyinə öz minnətdarlığını bildirdi. Həmçinin, inellektual oyunların gənclərimizin dünyagörüşünün artmasına, ölkəmizin zəngin tarixinin və mədəniyyətinin daha dərindən öyrənilməsinə kömək etdiyi vurğulandı.
Bu dəfəki intellektual oyunda Şamaxı rayonunun Əngəxaran kənd tam orta məktəbinin “Zirvə” və rayonun Məlhəm kənd tam orta məktəbinin eyniadlı komandası birincilik uğrunda mübarizə aparmışlar. Qalib gələn “Zirvə” komandası “Gənc nəsil – Yeni intellekt” layihəsi üzrə iştirakını davam etdirmişdir. Sonda iştirakçı şagirdlərə sertifikatlar təqdim olunmuşdur. Layihə üzrə növbəti intellektual oyunlar rayonun Çuxuryurd və Nağaraxana kənd orta məktəblərinin şagirdləri arasında icra olunacaqdır.