“Karvan” Gənclərin İnkişafına Dəstək İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Qədim Quba gənclərin gözü ilə!” layihəsini icra edir.
Layihə çərçivəsində ilk tədbir Quba rayonunda keçirilmişdir. Tədbirdə layihənin məqsədi və donoru haqqında ətraflı məlumat verilmişdir.
Yeniyetmələrə Azərbaycanın tarixi keçmişi, Qubanın gəzməli və gözəl mənzərəli yerləri, Qubada turizmin inkişafı məqsədi ilə yaradılan şəraitdən danışılıb. Rayonda olan qədim abidələrin qorunub saxlanmasından məlumat verilərək onların restavrasiya olunmasının əhəmiyyəti vurğulanmışdır.
Şagirdlərə layihə çərçivəsində hazırlanmış məlumatlandırıcı bukletlər və dəftərxana ləvazimatları paylanılıb.