4 noyabr 2016-cı il tarixində Azərbaycan Respublikasının Prezidenti yanında Gənclər Fondunun maliyyə dəstəyi və Yeni Azərbaycan Partiyası Şamaxı rayon Təşkilatı Gənclər Birliyi, Şamaxı rayon Gənclər və İdman İdarəsi və “BUTA” Gənclər İctimai Birliyinin təşkilati dəstəyi ilə Şamaxı şəhərində VIII Qrant müsabiqəsinin qalibi Vasif Şıxıyevin rəhbərliyi ilə “Gənc nəsil – Yeni intellekt” layihəsinə start veriləcək.
“Gənc nəsil – Yeni intellekt” layihəsinin keçirilməsində əsas məqsəd intellektual oyunların gənclər arasında təbliğ olunması, müxtəlif tipli intellektual oyunlar vasitəsilə Azərbaycanın zəngin tarixinin, mədəniyyətinin, dahi şəxsiyyətlərinin tanıdılmasından ibarətdir. Məqsədlər sırasına həmçinin bölgəmizdəki intellektual gəncləri ictimaiyyətə tanıtdırmaq, gənclərimizin intellektual səviyyəsini, dünyagörüşünü artırmaq, onların asudə vaxtlarını səmərəli təşkil etmək də daxildir.
Bu layihə 2008-ci ildən etibarən Azərbaycan Respublikasının orta ümumtəhsil məktəblərində reallaşan Milli Kurikulum Strategiyasının əsasında reallaşan bu tipli ilk intellektual layihə olacaqdır.