Azərbaycan Respublikasının Prezidenti yanında Gənclər Fondunun maliyyə dəstəyi, Gəncə şəhər Gənclər və İdman İdarəsi və Gənclər üçün Təhsil Mərkəzi Gəncə Regional Ofisinin təşkilati dəstəyi ilə “Qorunan Tarix Müasir Gəncliyin Gözündə” layihəsinə start verilir.
Texnologiyanın inkişafı ilə əlaqədar olaraq insanların gündəlik iş fəaliyyəti azalır və boş vaxtları daha çox olur. Gənclər boş vaxtlarını daha çox sosial şəbəkələrdə, çay evlərində lazımsız informasiyalar alaraq keçirirlər.Belə halda isə qorunacaq olan lazımlı informasiyalara daha az yer qalır.Qorunan informasiyaların içərisində isə ən üstün yeri tarix sahəsi tutur. Layihə neçə əsrlərdir qorunan tariximizi yaddaşlara həkk edəcək.
Layihənin əsas məqsədi gənclərin boş vaxtlarını səmərəli keçirmələrinə kömək etmək,qorunan tariximizi gənclərə daha ətraflı və dolğun şəkildə çatdırmaq,bugünkü tarixi qoruyaraq gələcək nəsillərə miras qoymağa kömək etməkdir.
Qeyd edək ki, layihə ərzində “Gənclərin maraq klublarının təşkili”, “Aksiyalar” və s kimi maarifləndirici görüşlər təşkil olunacaq.
Layihənin keçirilmə tarixi: 01.09.2016.-01.12.2016.
Son müraciət tarixi: 06 Oktyabr 2016-cı il, saat 23:00
Ərizə forması:
https://docs.google.com/forms/d/e/1FAIpQLSfDsFbJYzTglyGPsP2JE3aWiHV1K5z7ETlPDBEo82pqHjf9Ag/viewform 

İştirakçıların seçim meyarı :
• Yaş məhdudiyyəti: 15-29
•Layihə dövründə iştirak edəcək şəxslər layihənin davamlılığı üçün nəzərdə tutulan fəaliyyətlərdə aktiv iştirak etməli.
• Yüksək motivasiyalı olmalı.
• Milli dəyərlərə hörmət etməli.
Qeyd: Seçimlər online müraciət əsasında aparılacaq. Sonda iştirakçılara sertifikat veriləcək.
Əlaqələndirici şəxs: Aysel Cəfərova (Layihə rəhbəri)
Email: [email protected]
Telefon: (+994)555949908