Azərbaycan Respublikasının Prezidenti yanında Gənclər Fondunun maliyyə
dəstəyi ilə Nigar Kazımova tərəfindən həyata keçirilən “Səyyar Yaşıl Emalatxana” adlı layihənin 2016-cı il 10 iyun tarixindən icrası həyata keçirilir.
Layihənin keçirilməsində əsas məqsəd bölgələrdə yaşayan gənclərin yaradıcılıq prosesində iştirakına şərait yaradaraq bu sahəyə marağın artırılması, yeni istedadların kəşf edilib Azərbaycan incəsənətinə qazandırılması, kreativ gənclərin ünsiyyətinə şərait yaradıb, onların gələcək birgə layihələrinə səbəb olmaqdır.
Artıq layihə çərçivəsində hazırlıq mərhələsi bitmək üzrədir, layihənin ikinci və əsas mərhələsində Lerik, Şəki, Qusar rayonlarında 1 aylıq səyyar emalatxanalar fəaliyyət göstərəcək. Həmin emalatxanalarda yerli gənclərin istifadəsi üçün ləvazimat və materiallar istifadəyə veriləcək, və həmin gənclərə tətbiqi incəsənət təlimləri keçiriləcək.Qeyd etdiyimiz 3 Rayonda fəaliyyət bitdikdən sonra, əl işləri və yaradıcılıq prosesinə həsr olunmuş sərgi keçiriləcək.
Əlavə məlumat üçün:
Nigar Kazımova Çingiz qızı
E-mail: [email protected]
