«Rezonans» Gənclərin İctimаi Birliyinin Azərbaycan Respublikasının Prezidenti yanında Gənclər Fondunun dəstəyi ilə həyata keçirdiyi “Keçmiş məhkumların cəmiyyətə sosial adaptasiyası” layihəsi çərçivəsində 5 avqust tarixində Şirvan şəhərində tədbir keçirilmişdir. Tədbirdə ekpertlər mövzu ilə bağlı məruzə etmiş, «Rezonans» Gənclərin İctimаi Birliyinin  icraçı direktoru Sona Quliyeva Cəzaçəkmə müəssisəsindən azadlığa çıxan məhkumların hüquqlarının “Penitensiar müəssisələrdə cəza çəkməkdən azad olunmuş şəxslərin sosial adaptasiyası haqqında” Qanunla qorunduğunu qeyd etmiş və bu sahədə mövcud qanunvericiliyin tələbləri barədə məlumat vermişdir. Sonda tədbir iştirakçılarının çoxsaylı sualları cavablandırılmışdır.
Tədbirdə layihə çərçivəsində hazırlanmış “Məhkumlar və cəzaçəkmə müəssisələrindən azad olan gənclər üçün məlumat kitabı” və bukletlər paylanmış və kitabxanaya hədiyyə edilmişdir.
Layihə məhkumların hüquqlarının təmin edilməsi, onların saxlanma vəziyyətinin yaxşılaşdırılmasını, sağlamlığın qorunması və onların reabilitasiyası və gələcəkdə cəmiyyətə inteqrasiyasına dəstək olmaq məqsədi daşıyır. İkinci istiqamət isə artıq azadlığa çıxdıqdan sonra məhkumların cəmiyyətdə qayıdışı ilə problemlərin həlli, normal həyata adaptasiyası və s. ilə bağlı mümkün problemlərin həlli istiqamətində fəaliyyət həyata keçiriləcək.