“Bakı Gənclər Klubu” İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə 10 may 2016 – cı il tarixindən başlayan “Biz onlardan öyrəndik – qəhrəmanlığı!” adlı layihənin icrasını davam edir.
Layihənin məqsədi – gənclər arasında qəhrəmanlıq nümunələrini təbliğ etmək, vətənpərvərlik ruhunun yüksəlməsi istiqamətində və vətəndaşlıq tərbiyəsi sahəsində aparılan işlərin səmərəsini artırmaq, və, həmçinin, I Qarabağ müharibəsi zamanı torpaqlarımızın müdafiəsində şücaət göstərmiş qəhrəman döyüşçülərimizi gənclərimizə tanıtmaqdan ibarətdir.
Layihə çərçivəsində təlimlər ilə yanaşı I Qarabağ müharibəsi zamanı həyata keçirilən əməliyyatlar, döyüşlər, döyüşçülərimiz tərəfindən göstərilmiş qəhrəmanlııq anları, həmçinin, işğal olunmuş rayonlar və bu işğalın acı nəticələri, və s. haqqında yeni məlumatlar əldə etmək üçün Ağdam, Tərtər, Xocavənd, Beyləqan və Füzuli rayonlarına səfərlərin təşkili nəzərdə tutulmuşdur. Qeyd etdiyimiz səfərlərdən birisini Tərtər rayonuna təşkil edilmişdi. Səfər zamanı I Qarabağ müharibəsi Tərtər döyüşçüləri və şəhid ailələri ilə görüş keçirilmişdi.
Görüşün açılış nitqində Tərtər rayon Gənclər və İdman idarəsinin rəisi Emin Pənahov qonaqları salamlamış və iştirakçılara keçirilən tədbirin mahiyyəti haqqında qısa məlumat vermişdir. Sonra “Bakı Gənclər Klubu” İctimai Birliyinin sədri Azər Cavadov son 3 ildə təşkilat tərəfindən gənclərdə vətənpərvərlik hissini yüksəlməsi istiqamətində həyata keçirilən layihələr və nəticələri, Bakı Dövlət Universitetinin Tarix fakultəsinin müəllimi – dosent Atamoğlan Məmmədli isə Qarabağ müharibəsi zamanı döyüşçülərimizin döyüş səhnələrində göstərdikləri igidliklər haqqında danışmışdılar. Tədbiri öz çıxışları ilə I Qarabağ müharibəsi döyüşçüləri davam etdirmiş, iştirak etdikləri əməliyyatlar, döyüşlər haqqında yeni faktlar söyləmiş və gəncləri maraqlandıran suallara ətraflı şəkildə cavablandırmışdırlar.
