Azərbaycan Respublikasının Prezidenti yanında Gənclər Fondunun elan etdiyi VIII qrant müsabiqəsinin C kateqoriyası üzrə qalibi İsmayılova Sevinc Yaqub qızı Fondun dəstəyi ilə “Spartakiada – gənclər arasında şahmat yarışı!” layihəsinə başlamışdır. Layihə çərçivəsində 4 təlim həyata keçiriləcəkdir. Layihənin keçirilməsində əsas məqsəd interaktiv metodlarla gəncləri idmana cəlb etmək yolu ilə bərabər imkanlar təmin etmək, idmanın təbliği, gənclərin idmanda iştiraklarının artırılmasıdır.
Məqsədə çatmaq üçün aşağıdakı vəzifələr qarşıya qoyulub:
– Şahmat idman növünü təbliğ etmək üçün təlimlərin keçirilməsi;
– Posterlərin və bukletlərin hazırlanması və Xəzər rayonunda yaşayan gənclər arasında paylanılması;
– Xəzər rayonunda yaşayan gəncləri idmana cəlb etmək, kənd icmalarında gənclərin idmanda iştirakını artırmaqla, onların fiziki və əqli inkişaflarına töhfə vermək üçün “Spartakiada” – yeniyetmə və gənclər arasında şahmat yarışı keçirmək;
–  Yarışda mümkün qədər daha çox gənci əhatə etməkdir.
Layihədən faydalanan gənclər layihə başa catdıqdan sonra da öz icmalarında öz yaşıdları arasında maarifləndirmə işlərini davam etdirəcəklər. Bundan əlavə müxtəlif dövlət qurumları və biznes qurumları ilə də əlaqələr yaradaraq layihə digər rayonlarda da davam etdiriləcək.