22 iyul 2016 – cı il tarixində “ABŞERON” Rəsm Qalereyası”nda “Milli Dəyər” layihəsi çərçivəsində gənclərin iştirakı ilə Gənc Rəssamlar Sərgisi keçirilib.
Sərgidə iştriak edən gənclər hazırladıqları rəsm əsərləri vasitəsilə milli-mənəvi dəyərlərimizi, tariximizi və bir sözlə onları vətənə bağlayan rəsmlər vasitəsilə cəmiyyətə kiçik ismarıc vermiş oldular. Əsas ismarıc milli dəyərlərinin hələ də sevilməsinə, abidələrin yaddaşlardan silinməməsi xidmət göstərir.
Ümumumilikdə layihə çərçivəsində əsas mövzusu vətənpərvərlik, milli-mənəvi dəyərlərin gənc nəsilə təbliği istiqamətinə uyğun olaraq teatr tamaşa oynanılmışdır. Eyni zamanda qısametrajlı filmin hazırlanması, milli dəyərlərimizin təbliği istiqamətinə uyğun olaraq gənclərlə görüşlərin aparılması və onların iştirakı ilə sərginin təşkil olunnması nəzərdə tutulmuşdur.
Qeyd edək ki, Azərbaycan Respublikasının Prezidenti yanında Gənclər Fondunun maliyyə dəstəyi, “Gənclərin Dostluq Şəbəkəsi” İctimai Birliyinin təşkilatçılığı, Azərbaycan Teatr Xadimləri İttifaqı və Seyid Cəfər Pişəvəri adına Respublika Humanitar Fənlər Gimnaziyasının dəstəyi ilə keçirilən layihənin əsas məqsədi müasir texnoloji biliklərdən istifadə etməklə milli-mənəvi dəyərlərimizin qorunub saxlanılması və inkişaf etdirilməsi baxımından müstəqil respublikamızın mədəniyyət siyasətinin əsas vəzifələrindən biri kimi gəncləri təşviq etmək, onların milli vətənpərvərlik və vətənə sədaqət ruhunda tərbiyə olunması istiqamətində həyata keçirilən gənclər siyasətinə dəstək olmaq, yaradıcı gənclərin mədəniyyət və incəsənətə olan maraqlarını artırmaq və onların asudə vaxtlarının səmərəli təşkil edilməsi üçün zəruri şərait yaratmaqdan ibarətdir.
