Azərbaycan Respublikasının Prezidenti yanında Gənclər Fondunun maliyyə, Sumqayıt şəhər Gənclər və İdman Baş İdarəsinin və Sumqayıt Gənclərinin Sağlam Gələcəyi təşəbbüs qrupunun birgə təşkilatçılığı ilə həyata keçirilən “Kitab Oxuma Dayanacağı” layihəsinə yekun vurulub. Sumqayıt Gənclər Evində təşkil olunan yekun tədbirdə çıxış edən layihə rəhbəri İman Ağayev Ulu Öndər Heydər Əliyevin dövlət gənclər siyasətinin formalaşmasında olan xidmətlərindən, gənclərə göstərdiyi diqqət və qayğıdan və bu siyasətin Prezidentimiz cənab İlham Əliyev tərəfindən çox uğurla davam etdirilməsindən danışıb.
Bildirildiki, layihənin əsas məqsədi gənclərin kitab oxumamağa yetərincə zamanlarının, oxunacaq yeni kitabların, kitabxanalara getmək üçün vaxtlarının olmaması, kitab almaq üçün maddiyətin yoxluğu kimi amillərinin aradan qaldırılmasına yardımçı olmaq, kitab oxumağa marağı artırmaq və asudə vaxtlarını səmərəli təşkil etməkdir.
Daha sonra layihə çərçivəsində təşkil olunmuş hər iki görüşlərdə aktiv olan bir qrup gənc ilə birgə iştirakçıların dayanacaqlarda quraşdırılacaq rəflərə yerləşdirmək üçün təqdim etdikləri kitablar toplanaraq rəflərə yerləşdirilmiş və şəhərin Nəriman Nərimanov, Bakı küçələrində əhalinin daha çox istifadə etdiyi dayanacaqlarda quraşdırılıb. Rəflərin üzərinə isə kitab oxumağa təşfiqedici sloqanlar əks etdirilib.