Azərbaycan Respublikasının Prezidenti yanında Gənclər Fondunun elan etdiyi 7-ci qrant müsabiqəsində qalib olmuş Lalə Mustafayevanın “İstedad Sorağında” layihəsi 3 yanvar 2016 cı il tarixində Azərbaycan Dillər Universitetində baş tutmuşdur. Yarış zamanı Azərbaycan Dillər Universitetində təhsil alan istedadlı gənclərin öz məharətlərini göstərməsi ilə layihə keçirilmişdir.
Yarışın açılış mərasimində layihənin rəhbəri Lalə Mustafayeva yarış haqqında məlumat vermiş və iştirakçılar haqqında öz fikirlərini bölüşmüşdür. O bildirmişdir ki “İstedad sorağında” layihəsinin əsas məqsədi təhsil müəssisələrində olan gənclərin gizli qalan və kəşf edilməmiş bacarıqlarının aşkar edilməsidir. Bu layihədə iştirak edən gənclər özlərinin bacarıqları ilə öz inkişafları və komplekslərinin aradan qaldırılmasına müstəsna xidmət edəcəkdir. Bu sayədə gənclər öz bacarıqlarını bir daha təsdiqləmiş olacaqlar ki bu da onların gələcək fəaliyyətlərinə müsbət təsir göstərəcək. Sonra isə yarışda iştirakçılar müxtəlif bacarıq və istedadların nümayiş etdirərək maraqlı və rəngarəng çıxış etmişdilər.Sonda isə qaliblər müəyyən edilmişdir. Qalib gələn gənclər sertifikat və hədiyyələr ilə mükafatlandırılmışdır.