[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-164.jpg ” ]
“Bizim istedadlar” sərgisinin təşkili bu ilin may ayından Azərbaycan Respublikasının Prezidenti yanında Gənclər Fondunun dəstəyi ilə həyata keçirilməyə başlanıb. Fərdi layihənin müəllifi Emin Pənəhovdur.
Layihənin məqsədi sosial problemli, aztəminatlı ailələrdən olan, xüsusi qayğıya ehtiyacı olan, yaxud da, müxtəlif səbəblərdən təhsildən kənarda qalan yeniyetmə və gənclər arasında həyat bacarıqlarının inkişaf etdirilməsi yolu ilə onların cəmiyyətə inteqrasiyasını təmin etməkdi. Layihənin vəzifələri qeyd edilən qruplar arasında həyat bacarıqları barədə geniş məlumatların yayılması, onlar arasında istedadlıların seçilməsi, bu cür şəxslərin bacarıqlarının inkişaf etdirilməsinə istiqamətlənmiş təlimlərin və kursların təşkili, sonra həmin təlimlər və kurslarda hazırlanan əl işlərindən ibarət sərginin keçirilməsidir.
Layihədən Bakıda olan sosial problemli, aztəminatlı ailələrdən olan, xüsusi qayğıya ehtiyacı olan yeniyetmə və gənclər faydalanacaqlar. Yaş qrupu 14-17 yaşı əhatə edən gənclərin ümumi sayı 60 nəfər olacaq. Layihədə qrupların seçimi zamanı iştirakçıların layihəyə olan maraqları, ümumi görüş və ilkin söhbət nəticəsində əldə edilən nəticələrə görə çıxarılan qərara əsaslanılacaq. Seçimdə gender balansı və yaş həddi nəzərə alınacaqdır.
Sonra may ayı müddətində təlimçilər formalaşmış qruplar ilə kurslar keçirdilər. Hər qrupda 20 nəfər olmaqla, ümumilikdə 3 qrupda keçirilən təlimlərdə uşaqlara müxtəlif əl işlərinin hazırlanma metodları nəzəri formada öyrədildi.
Gələn ay isə kurslar zamanı isə təlimlərdə əldə olunmuş biliklər praktik olaraq həyata keçiriləcək, uşaqlar gələcəkdə layihə çərçivəsində təşkili planlaşdırılan sərgiyə müxtəlif ölçülü və formalı əl işləri hazırlayacaqlar. Kurslar zamanı hazırlanmış əl işlərindən ibarət “Bizim istedadlar” sərgisi layihənin sonunda təşkil olunacaq. Sərgiyə dəvət edilən müxtəlif qonaqlara oradakı işlərin müəllifləri ilə tanış etmək, onların gələcək fəaliyyətlərinə dəstək olmağa yardım etmək nəzərdə tutulub.
Qeyd etmək lazımdır ki, Azərbaycan Respublikasının Prezidenti yanında Gənclər Fondu tərəfindən dəstəklənən layihə 2015-ci ilin iyul ayında yekunlaşacaq.
[postgallery_grid content=”image” columns=”4″ lightbox=”yes” attached_id=”22246″ id=”22246″ imageeffect=”reflection” imgheight=”154″ imgwidth=”240″ width=”980″ /]
