[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-46.jpg ” ]
“Gələcək Naminə” Vətəndaş Cəmiyyətinin İnkişafına Dəstək İctimai Birliyi tərəfindən Azərbaycan Respublikasının Prezidenti yanında Gənclər Fondunun maliyyə dəstəyi ilə icra edilən “Ulu Öndər mirasıdır yurdum Azərbaycan!” layihəsi çərçivəsində növbəti tədbir Şirvan şəhərində keçirilib.
Tədbir Şirvan İdman və Gənclər İdarəsində keçirilib. Tədbirdə idarənin baş məsləhətçisi Əfqan Həsəsnov iştirak edib.
Tədbirdə Birliyin sədr müavini Vüsal Mirzəyev və layihənin eksperti, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının məsləhətçisi Elnur Bağırlı çıxış ediblər.
V.Mirzəyev tədbir iştirakçılarına Birliyin yaranma səbəbi, məqsədi, həyata keçirilən layihələrin əhəmiyyəti, hazırda həyata keçirilən layihə və donor haqqında məlumat verib.
E.Bağırlı Ulu Öndər Heydər Əliyevin hakimiyyətə qayıdışından, Ulu Öndərin siyasi kursunun onun layiqli davamçısı Prezident İlham Əliyev tərəfindən bu gün uğurlu şəkildə davam etdirilməsindən danışıb.
Gənclərimizə vətənimizə layiqli, vətənpərvərlik ruhunda tərbiyə olunmağa, Milli Qəhrəmanlar Mübariz İbrahimov və Fərid Əhmədov kimi vətənsevər, qorxmaz, mərd olmağa çağıran ekspert gənclərin fiziki, psixoloji və mənəvi sağlamlığının artırılması, gənclər arasında təbliğat işinin gücləndirilməsi üçün respublikamızda hər bir şəraitin yaradılmasından bəhs edib.
Tədbir Çanaqqala savaşının ildönümünə təsadüf edib. E. Bağırlı Çanaqqala zəfərindən, bu zəfəri qazanan türk əsgərlərində və bu il Çanaqqala zəfərinin 100 illiyinin Türkiyədə, eləcə də Azərbaycan da böyük təmtəraqla qeyd olunmasından danışıb.
Bundan başqa, ekspert layihə çərçivəsində keçirilən futbol oyunları barədə məlumat verib. E. Bağırlı futbol yarışlarının heç də təsadüfi olmadığını, bu yarışların “Bakı 2015” ilk Avropa Oyunlarının Azərbaycanın paytaxtı Bakıda keçirilməsi ilə əlaqədar olduğunu qeyd edib.
Sonda iştirakçıları maraqlandıran mövzular ətrafında müzakirələr aparılıb.
Qeyd edək ki, bu tədbir layihə çərçivəsində regionlarda keçirilən son tədbirdir, bundan əvvəl Qəbələ və Mingəçevir rayonlarında tədbirlər keçirilib.
Onu da qeyd edək ki, Bakıda layihə çərçivəsində yarışlar hələdə davam edir.
[postgallery_grid content=”image” columns=”4″ lightbox=”yes” attached_id=”21819″ id=”21819″ imageeffect=”reflection” imgheight=”154″ imgwidth=”240″ width=”980″ /]