[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed12.jpg ” ]

“Nurlu Sabah Uşaq – Gənclər Təşkilatı” İctimai Birliyi Azərbaycan Respublikasının Prezidenti yanında Gənclər Fondunun maliyyə yardımı ilə “Dövlət rəmzləri – milli dəyərlərimizdir” adlı layihənin təlimlərinə start verdi.
Təlimin birinci günündə Quba, Qusar və Xaçmaz rayonlarından olan 30 nəfər gənc dövlət rəmzləri haqqında atraflı məlumatlar aldılar. Eyni zamanda tədbirdə Quba rayonunun təcrübəli müəllimlərindən olan, Quba Dövlət Sosial – İqtisadi Kollecinin direktor müavini Səməndər Abasov iştirak edərək gənclərə dövlət rəmzlərinin əhəmiyyəti haqqında dəyərli bilgilər verdi.
Təlimin açılışında təşkilatın sədri Ramin Xudayev çıxış edərək təlimdə iştirak edənlərə uğurlar arzuladı və qeyd etdi ki, təlimin son günündə onların bu təlimdə qazandıqları bilikləri yoxlamaq məqsədilə sorğu keçiriləcəkdir və sertifikat veriləcəkdir.
Təlimi təlimçi Rəxşəndə Bayramova davam etdirərək olduqca vacib və maraqlı məlumatlar verməklə iştirakçılara nüfuz edə bildi.