[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/11/unnamed12.jpg” ]

Azərbaycan xalqı gələcəyimiz olan gənc nəslin vətənə məhəbbət, xalqa, elinə və obasına hörmət, soykökünə, öz ata-babalarının ənənələrinə sədaqət ruhunda tərbiyə olunmasına həmişə böyük məsuliyyətlə yanaşıb və ona həyati əhəmiyyətli məsələ kimi baxıbdır. Bu bir həqiqətdir ki, vətənpərvərlik insanda fədakarlıq, qəhrəmanlıq və məğlubedilməzlık hissi yaradır, apardığı mübarizədə onda inam hissini gücləndirir.
Vətənpərvərlik məsələsi cəmiyyətdə daim aktual olub, bu gün də aktual olaraq qalır. Bu səbəbdən də vətənpərvərlik mövzusunda keçirilən layihələr daha çox diqqət çəkir. Azərbaycan Respublikasının Prezidenti yanında Gənclər Fondunun keçirdiyi V qrant müsabiqəsinin qalibi olan fərdi şəxs Gülşəndə Quliyevanın bu istiqamətdə keçirdiyi layihə də günümüzün aktual məsələsinə həsr olunub.
Azərbaycan Respublikasının Prezidenti yanında Gənclər Fondunun dəstəyi ilə keçirilən “Hər bir gənc vətənpərvər olmalıdır” adlı layihənin məqsədi gənclərdə vətənpərvərlik ruhunun yaradılmasına kömək etmək, gənclər arasında milli-mənəvi dəyərlərimizi təbliğ etməkdən ibarətdir.
Bu yaxınlarda layihə çərçivəsində Xırdalan şəhəri 149 saylı Ağdam köçkün tam orta məktəbində görüş təşkil olundu. Tədbirdə vətən uğrunda döyüşən qəhrəman vətən oğullarımızın döyüş yolu haqqında iştirakşılara məlumatlar verildi. Qarabağ müharibəsinin iştirakçılarından olan Roza Hüseynova vətənimizin bütövlüyü naminə əzmlə döyüşən qəhrəmanlarımız haqqında danışıb, onların şərəfli döyüş yolu ilə bağlı xatirələri yada salıb.
Tədbirdə məktəbliləri bu mövzuda maraqlandıran suallar cavablandırılıb.

[postgallery_grid content=”image” columns=”4″ lightbox=”yes” attached_id=”19833″ id=”19833″ imageeffect=”reflection” imgheight=”154″ imgwidth=”240″ width=”980″ /]