[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/10/unnamed-1117.jpg” ]

25 oktyabr 2014-cü il tarixində Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən Araşdırma GƏNCləşir layihəsinin imtahan mərhələsi baş tutub.
İmtahanın məqsədi layihə çərçivəsində nəzərdə tutulmuş tədqiqat işlərinin yazılması mərhələsində iştirak etmək üçün 15 gəncin seçilməsidir.
İmtahan zamanı iştirakçılar “Niyə mən?” və “İŞİD-in analizi” sualları üzrə öz fikirlərini yazılı şəkildə ifadə etmişdir. Bildiyimiz kimi hal-hazırda gənclərimiz arasında ən böyük problemlərdən biri fikri yazılı ifadə etməkdə yaşanan çətinliklərdir. İmtahan da məhz bu məqsədlə test və ya şifahi üsulla deyil, yazılı qaydada aparılıb.
İmtahanın nəticələri məlum olduqdan sonra uğurla keçmiş gənclərimiz beynəlxalq münasibətlərdə münaqişə və problemlərin araşdırılması üçün müxtəlif mövzularda tədqiqat işlərinin yazılmasına başlayacaqlar. Hazırlıq prosesi zamanı iştirakçılarla mütəmadi olaraq əlaqələr saxlanılacaq, çətinlikləri ilə maraqlanılacaq və sualları cavablandırılacaqdır.

[postgallery_grid content=”image” columns=”4″ lightbox=”yes” attached_id=”19522″ id=”19522″ imageeffect=”reflection” imgheight=”154″ imgwidth=”240″ width=”980″ /]