[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/10/unnamed-56.jpg” ]

Azərbaycan Respublikasının Prezidenti  yanında Gənclər Fondunun 5-ci qrant müsabiqəsinin qalibi olan “Yurd” Gənclərin İntellektual İnkişafına Dəstək İctimai Birliyi tərəfindən Qubada reallaşdırılan intellektual çoxnövçülük üzrə “Bahar kuboku-2014” layihəsinin növbəti tədbiri Quba rayonunun ən böyük yaşayış massivlərindən biri olan I Nügədi kəndində baş tutub.

Seçim turunda 3 kəndin 5 məktəbini təmsil edən 7 komandanın tərkibində birləşən 42 nəfər yeniyetmə və gənc iştirak edib.

Təşkilatın sədri Ramin Mahmudovun verdiyi məlumata görə açılış mərasimində iştirakçılara Azərbaycan Respublikası nın Prezidenti yanında Gənclər Fondunun fəaliyyətindən, müxtəlif qrant müsabiqələrindən, gənclərə yaradılan imkan və şəraitdən danışılıb, “Yurd” GİİD İB-nin icra etdiyi bu layihənin əhəmiyyəti və qaydaları barədə məlumatlar verilib. Bildirilib ki, layihənin əsas məqsədi gənclərin intellektual bacarıqlarını inkişaf etdirmək, təhsilə, oxumağa, bədii ədəbiyyata marağını artırmaq, asudə vaxtlarını səmərəli təşkiletmək və ən əsası müxtəılif məktəblərdə təhsil alan yeniyetnmə və gənclər arasında şəbəkələşməni inkişaf etdirməkdir. Bu layihə eyni zamanda cənab Prezident İlham Əliyev tərəfindən imzalanmış “Azərbaycan Gəncliyi 2011-2015-ci illərdə” Dövlət Proqramının müvafiq bəndinin icrasına yönələn tədbirlərdən biridir.

Daha sonra baş tutan intellektual çoxnövçlük üzrə yarışda 7 komanda öncə Nə? Harada? Nə zaman? oyunda, daha sonra isə ilk 4 komanda Xəmsə oyunuda qüvvəsini sınayıb.

İlk oyunda “Uğur” biliciləri 24 sualdan 12-nə doğru cavab verərək birinci olub. “MAG” və “Odlar Yurdu” 11 xalla ikinci və üçüncü olub. “Zirvə” biliciləri isə 6 xalla ikinci mərhələyə vəsiqə qazanıb.

Xəmsə oyunu üzrə təşkil olunan ikinci mərhələdə “MAG” intellektləri 6300 xalla birinci, “Uğur” komandası 3000 xalla ikinci, “Odlar Yurdu” isə -300 xalla üçüncü olub.

Yekunda “MAG” komandası birinci, “Uğur” intellektləri isə ikinci yerin sahibi kimi final oyunlarına vəsiqə qazanıb.

“Bahar kuboku-2014” turnirinin növbəti seçim turu Quba rayonunun Alekseyevka zonasında baş tutacaq.

[postgallery_grid content=”image” columns=”4″ lightbox=”yes” attached_id=”18926″ id=”18926″ imageeffect=”reflection” imgheight=”154″ imgwidth=”240″ width=”980″ /]