[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/unnamed-168.jpg” ]

«Məişət zorakılığı qurbanlarının müvafiq yardımlara çıxışının təmini» layihəsi Azərbaycan Uşaqlar Birliyi tərəfindən bu ilin iyul ayının ortalarından Azərbaycan Respublikasının Prezidenti yanında Gənclər Fondu tərəfindən dəstəklənərək həyata keçirilməyə başlayıb.
Layihənin məqsədi məişət zorakılığına məruz qalanların hüquqi və psixoloji yardımlara çıxışının təmin edilməsi yolu ilə bu cür şəxslərin reabilitasiyasıdır. Bu məqsədə nail olmaq üçün layihə çərçivəsində  benefisiarların qaldırılan problemlərlə əlaqədar məlumatlandırılması, onlara hüquqi və psixoloji yardımların göstərilməsi, təhsildən kənarda qalanların dövlət təhsil müəssisələrinə istiqamətləndirilməsi tədbirlərinin həyata keçirilməsi nəzərdə tutulub.
Hazırda layihə çərçivəsində məişət zorakılığıa mərzu qalan şəxslərlə işləyən sosial işçilər, psixoloqlar və digər mütəxəssislər, eləcə də, könüllülərdən ibarət formalaşan qruplara müvafiq təlimlər keçirilir. Həmçinin layihənin növbəti mərhələsində Azərbaycan Uşaqlar Birliyinin sığınacağnda məskunlaşan müvafiq benefisiar qrupuna, eləcə də, Bakı və Bakıətrafı, o cümlədən rayonda yaşayan məişət zorakılığına məruz qalıb paytaxta gələn şəxslər arasında məlumatlandırma görüşləri keçiriləcək. Məişət zorakığı qurbanlarına hüquqi və psixoloji yardımlara çıxışa vacib ehtiyacı olanlardan ibarət qrup toplanacaqdır. Tərtib edilən benefisiar siyahısına əsasən layihə çərçivəsində ehtiyacı olan benefisiarlara hüquqi və psixoloji yardımların göstərilməsi planlaşdırılıb. Burada onların müfaviq dövlət strukturlarına yönləndiriləcək, sənədlərində yarana biləcək çatışmazlıqları aradan qaldırmaq üçün məsləhətlər veriləcəkdir. Ehtiyacı olan benefisiarlara həm də, psixoloji yardımların göstərilməsi nəzərdə tutulub. Psixoloji konsultasiyalar zamanı məişət zorakılığına məruz qalan şəxslərin ümumi psixoloji durumu müəyyən edilərək, onlarla iş aparılacaq, normal psixoloji vəziyyətə gətirilməsi fəaliyyəti yerinə yetiriləcəkdir.
Qeyd etmək lazımdır ki, Azərbaycan Respublikasının Prezidenti yanında Gənclər Fondu tərəfindən dəstəklənən layihə 2014-cü ilin dekabr ayında yekunlaşacaq.

[postgallery_grid content=”image” columns=”4″ lightbox=”yes” attached_id=”18460″ id=”18460″ imageeffect=”reflection” imgheight=”154″ imgwidth=”240″ width=”980″ /]