[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/1525246_642310232534096_1635659234319772556_n.jpg” ]
“Heydər Əliyev-Hər aforizm bir sərlövhə” layihəsinin qalibləri mükafatlandırılıb. Yasamal rayon Heydər Əliyev mərkəzində Azərbaycan Respublikasının Prezidenti yanında Gənclər Fondunun maliyyə dəstəyi ilə “Heydər Əliyev-Hər aforizm bir sərlövhə” layihəsinin qaliblərinin mükafatlandırma mərasimi keçirilib. Həlimə Tağıyevanın rəhbərliyində reallaşdırılan layihə barədə layihə kordinatoru İlkin Şərifov məlumat verib. Tədbirin təşkilatçısı İlkin Şərifov lahiyənin əhəmiyyətinə diqqət çəkərək sadəcə qalibləri deyil bütün iştirakçıları təbrik edib. Tədbirdə çıxış edən Yasamal rayon Gənclər və İdman idarəsinin rəisi İlham Səfərov layihənin çox önəmli olduğunu vurğuladı və gəncləri bu yöndə daha geniş əhatəli layihələrə səslədi. Sonra ekspert Sahil Hacıyev layihənin məqsədinin ümummilli lider Heydər Əliyevin söylədiyi aforizimlərə, sözlərə gənclərin öz düşüncələrini bildirməkdən ibarət oduğunu vurğulayıb. Sahil Hacıyev: “Cənab prezidentin fərmanı ilə təşkil olunan Gənclər Fondunun bizim tədbirimizə də dəstəyi böyükdür. “Heydər Əliyev-Hər aforizm bir sərlövhə” layihəsi məhz Azərbaycan Respublikasının Prezidenti yanında Gənclər Fondunun V qrant müsabiqəsi çərçivəsində qalib gələn layihələrdəndir.” Bakı Dövlət Universitetinin müəllimi dosent Vüqar Əliyev tədbirin “Əsrin müqaviləsinin” ildönümünə təsadüf etdiyini və bu müqavilənin Heydər Əliyevin iradəsinin nəticəsi olduğunu qeyd edib. Həmçinin belə bir layihənin gənclər üçün əhəmiyyətinin böyük olduğunu vurğulayıb. Sonda tədbirdə qaliblərə mükafatlar təqdim edilib. Tədbirə müxtəlif universitetlərdən 70 gənc qatılıb.
[postgallery_grid content=”image” columns=”4″ lightbox=”yes” attached_id=”18414″ id=”18414″ imageeffect=”reflection” imgheight=”154″ imgwidth=”240″ width=”980″ /]
