[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/6.jpg” ]

15.09.2014-cü il tarixində Azərbaycan Respublikasının Prezidenti yanında Gənclər Fondunun maliyyə dəstəyi ilə “Gəlin şəhərimizi təsvir edək” adlı layihənin Sumqayıt şəhərində icrasına start verilib. Layihənin məqsədi – gənclərə rəsm müsabiqəsi vasitəsi ilə vətənlərinə, yaşadıqları doğma şəhərlərinə olan sevgisini başqalarına göstərmək imkanı vermək. Layihə region gənclərinin ictimai aktivliyinin artırılması istiqamətindədir. Layihə çərçivəsində Sumqayıt şəhərinin gəncləri ilə görüş keçirildi, iştirakçılara layihə haqqında qısa məlumat verildi, ardınca “Şəhərimin Təsviri” adlı rəsm müsabiqəsi elan edildi. Layihə yay mövsümünü əhatə etdiyi üçün uşaq, şagird və gənclərin yay tətilində olması səbəbindən, layihənin sentyabr ayına keçirilib. Gənclər tərəfindən çəkilmiş rəsmlər 7 gün ərzində yığılacaq. Yığılmış şəkillərin sərgisi təşkil ediləcəkdir. Sərgiyə Gənclər və İdman İdarəsinin nümayəndələri və yerli aktiv gənclər dəvət olunacaqdır. Bu layihənin həyata keçirilməsi ilə, gənclər öz doğma şəhərlərinə olan sevgilərini rəsm vasitəsi ilə bildirəcəklər.  Bu layihə gənclərə imkan verəcək ki, onlar özlərində olan rəssamlıq istedadını da üzə çıxartsın və bu istedadını başqalarına da göstərsin. Bu layihə gənclərə stimul verərək, gələcəkdə onların seçəcəyi peşə istiqamətinə də təsiri olacaqdır. Layihənin həyata keçirilməsində layihə rəhbəri Murad Məmmədova “Demokratik Gənclər” İctimai Birliyinin könüllüləri kömək edir.

[postgallery_grid content=”image” columns=”4″ lightbox=”yes” attached_id=”18305″ id=”18305″ imageeffect=”reflection” imgheight=”154″ imgwidth=”240″ width=”980″ /]