[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/unnamed-85.jpg” ]
Gənclər üçün Təhsil Mərkəzinin silsilə təşkil etdiyi region gənclərinin yaradıcılıq festivalının bu dəfəki ünvanı Mingəçevir şəhəri olub. Azərbaycan Respublikasının Prezidenti yanında Gənclər Fondunun dəstəyi ilə keçirilən festivalda yüzlərlə yeniyetmə və gənc, şəhər sakini və rəsmi qonaqlar iştirak edib.
Mərkəzin regional nümayəndəsi Tural Kərimov festivalı giriş sözü ilə açaraq, tədbirin mahiyyəti barədə şəhər əhalisinə məlumat verib, gənclərin yaradıcılıq bacarıqlarının üzə çıxarılması və artırılması, habelə onlarda yaradıcı işə maraq oyadılması baxımından əhəmiyyətini vurğulayıb. Mingəçevir şəhərinin icra strukturlarının nümayəndələri də çıxış edərək, tədbirin gənclər üçün ciddi əhəmiyyətindən danışıb, dövlətin də bu sahəyə daim diqqət ayırdığını vurğulayıblar. Bildirilib ki, bu gün Azərbaycanın yaradıcı gəncləri ölkəmizi həm daxildə, həm də xaricdə layiqincə təmsil edirlər. Buna görə yeni-yeni yaradıcı gənclərin regionlardan aşkar edilməsi və tanıdılması vacibdir.
Daha sonra söz yaradıcı gənclərə verilmiş, onlar teatr, kino işi, rəssamlıq, əl işləri, bədii qiraət, aşıq sənəti, musiqi və digər sahələrdə öz bacarıqlarını nümayiş ediblər.
Festivalda 70-dən çox gəncin yaradıcılıq qabiliyyəti nümayiş olunub.
Festivalın sonunda bütün iştirakçılara diplomlar təqdim edilib.
[postgallery_grid content=”image” columns=”4″ lightbox=”yes” attached_id=”18074″ id=”18074″ imageeffect=”reflection” imgheight=”154″ imgwidth=”240″ width=”980″ /]
