[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/09/unnamed-31.jpg” ]
31 avqust 2014-cü il tarixində “ASAN Könüllüləri” Gənclər Təşkilatının Azərbaycan Respublikasının Prezidenti yanında Gənclər Fondunun maliyyə dəstəyi ilə təşkil olunan “Natiqlik Klubu” layihəsi sona çatıb. Layinənin bağlanış mərasimində fəxri qonaqlar Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnsan Resursları və Təlim şöbəsinin müdiri Elvin Paşayev iştirak ediblər. Tədbirin açılış mərasimini “ASAN Könüllüləri” Gənclər Təşkilatının sədri Fərid Sadıxlı Qubadlının işğal gününü anaraq başlayıb. Açılışdan sonra 6 iştirakçı müsabiqə xarakterli çıxışlar ediblər və çıxış edənlərdən üçü yer tutaraq sertifikat və medallarla təltif olunublar.
Qeyd edək ki, təlimlər Nərgiz Seyid-zadə və Tural Sultanov tərəfindən keçirilib. Həmçinin qeyd edilən təlimçilər və öz sahəsində tanınmış ekspert Toğrul Talıbzadə də müsabiqə zamanı münsiflər heyətinin üzvü olublar. Sözügedən layihədə iştirak üçün müraciət etmiş 335 nəfərdən 22-i seçilərək təlimlərə qatılmaq şansı qazanıblar. Təlimlər zamanı hazırcavablıq – vəziyyətdən çıxma, inandırmaq və təsir etmək, düzgün nitqin və fikrin qurulması, manipulasiya yolları və digər mövzular əhatə olunub.
[postgallery_grid content=”image” columns=”4″ lightbox=”yes” attached_id=”17716″ id=”17716″ imageeffect=”reflection” imgheight=”154″ imgwidth=”240″ width=”980″ /]
