[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed-343.jpg ” ]
Azərbaycan Respublikasının Prezidenti yanında Gənclər Fondununelan etdiyi V qrant müsabiqəsində C (fərdi layihələr) kateqoriyası üzrə qalib olan “Öz karyeranı özün qur!” layihəsinin icrası başa çatıb.Layihə rəhbəri Saleh Həsənov bildirib ki, Gənclər Fondunun maliyyə dəstəyi ilə reallaşdırılan layihə çərçivəsində son təlim 27 avqust 2014-cü il tarixində keçirilib. Layihə şərtlərinə uyğun olaraq, Bakı şəhərində keçirilən təlimlərdə ümumilikdə 60 nəfər – məzun olmuş, təhsil müəssisələrinin yuxarı kurslarında təhsil alan tələbələr, yeniyetmə və gənclər iştirak edib.
İştirakçı gənclər effektiv işaxtarma yolları, cəlbedici CV-lərin yazılması, intervyülərə hazırlaşma və iştirak, intervyülərdən sonra effektivliyin artırılması üçün atılan addımlar haqqında məlumatlandırılıb, həmçinin ölkəmizdə bu sahədə mövcud qanunvericiliklə tanış olmaq imkanı qazanıblar. Bununla yanaşı, təlimlərdə iş axtaranın müsahibələrə psixoloji cəhətdən hazırlığına xüsusi yer ayrılması da qarşıda duran vəzifələrdən olub.
Qeyd edək ki, nəzərdə tutulan təlimin daha effektiv və faydalı olması üçün səmərəli işaxtarma yolları, CV yazılması üsulları, intervyü qaydaları,o cümlədən Konstitusiya, “Əmək Məcəlləsi” və digər müvafiq qanunlar haqqında məlumatlardan ibarət olan toplu, bukletlər hazırlanaraq iştirakçılara paylanılıb.
[postgallery_grid content=”image” columns=”4″ lightbox=”yes” attached_id=”17642″ id=”17642″ imageeffect=”reflection” imgheight=”154″ imgwidth=”240″ width=”980″ /]
