[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/08/unnamed-146.jpg ” ]

Azərbaycan Respublikasının Prezidenti yanında Gənclər Fondunun  maliyyə dəstəyi və Mədəniyyət və Turizm Nazirliyinin Mədəni İrs şöbəsinin  dəstəyi ilə keçirilən “Azərbaycan tarixinə və mədəniyyətinə 3D virtual səyahət” adlı layihə yekunlaşıb. Bu layihə Azərbaycan Respublikasının Prezidenti yanında Gənclər Fondu tərəfindən elan olunmuş IV qrant layihəsi çərçivəsində 6 ay müddətinə həyata keçirilmişdir. Layihənin məqsədi Bakıda yerləşən tarixi abidələr, məscidlər,qalalar, qoruqlar və muzeylərinə tamamilə yeni bir metodla- 3D Virtual Səyahət formatında online izləyərək, əhaliyə internet vasitəsilə səyahət etmə imkanını verməkdir.Layihə çərçivəsində www.3DBaku.com domenində sayt yaradılıb və aşağıda adları sadalanan məkanlar üzrə müasir texnologiyalara malik 3D Virtual Səyahətlər proyeksiyasında çəkilişlər aparılıb. Layihədə Bakı-Abşeron ərazisində yerləşən dünya və ya ölkə əhəmiyyətli tarixi abidələr və paytaxtın bir sıra muzeyləri iştirak edib.Bu məkanlar sırasına İçərişəhər, Qala AEMK, Mərdəkan və Ramanı Qalası, Tarix, Xalça ,Qobustan, Numizmatika, Əntiq əşyalar və Miniatür kitablar muzeyləri və s. maraqlı yerlər daxil edilib.   Saytda ümümilikdə 20-dən çox virtual səyahət məkanı yerləşdirilib. Bununla yanaşı hər bir 3D virtual səyahət məkanına məxsus ayrılmış xüsusi səhifə yaradılıb ki, burada həmin abidənin və ya muzeyin tarixi, təyinatı haqqında məlumat, interaktiv xəritədə yerləşmə yeri əks olunub. Sayt Muzeylər, Qalalar və Tarixi abidələr kateqoriyasına bölünməklə 3 hissədən ibarətdir. Virtual turların çəkilişləri fevral ayından başlayaraq iyul ayına kimi davam edib. Eynilə saytın yaradılması da öz növbəsində həmin periodda baş tutub. Layihənin rəhbəri Abbas Abbasovun sözlərinə əsasən bu yalnız böyük bir işin başlanğıcıdır. Beləki yaxın gələcəkdə layihəni genişləndirərək Azərbaycanda mövcud olan bütün tarixi abidələrlə bağlı 3D Virtual səyahətlər hazırlanacaq.

[postgallery_grid content=”image” columns=”4″ lightbox=”yes” attached_id=”17351″ id=”17351″ imageeffect=”reflection” imgheight=”154″ imgwidth=”240″ width=”980″ /]